注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Sailormoon

生命滿希望 前路由我創

 
 
 

日志

 
 

創業通 : 蝕足兩年 畫室靠公司客反彈  

2008-08-17 03:06:40|  分类: 默认分类 |  标签: |举报 |字号 订阅

  下载LOFTER 我的照片书  |

創業通 : 蝕足兩年 畫室靠公司客反彈

很多人都說畫畫搵唔到食,但是原本任職則師的Betty,卻為興趣放棄高薪厚職,投資5萬元開設artjamming,提供一個自由自在的空間,以及一切油畫工具,包括畫布、畫筆、顏料等,像樂隊jam歌一樣,客人可以隨意繪畫。「artjamming唔只係畫畫咁簡單,而係一個途徑畀人放鬆自己,紓解壓力,好適合忙碌香港人。」

雖然概念夠新穎,但公司開頭因欠缺宣傳而蝕足2年,後來Betty不斷改善設備,再致力開拓公司客源後,生意終於轉虧為盈,現時連CNN、連卡佛等公司也是Betty的客仔。不用自己畫畫,Betty只靠賣工具讓人畫畫,便能月賺10萬元。

artjamming位於中環威靈頓街,推開玻璃門走進畫室內,眼前盡是一幅幅不同size的畫布,還有一桶桶色彩斑斕的油畫顏料。這兒跟一般畫室不同,沒有老師教畫畫,只見幾位外籍客人及OL,圍沾上七彩顏料的圍裙,揮動畫筆,在畫布上隨意舞動。「唔一定要學過先可以畫油畫,只要你鍾意,畫乜都得。」老闆Betty笑說。

減壓消遣變職業

artjamming意思是自助畫畫,客人可自選畫布尺寸,及任意使用店內提供的畫筆、顏料、圍裙等工具畫畫,收費根據畫布尺寸而定,最細為55×55厘米,最大120×160厘米,價錢由$400至$1,100,包一杯飲品。「我分兩個時段畀客人畫畫,下午就2點至6點,夜晚就由7點至11點,星期六就會延長時間到凌晨1點。」客人完成畫後,還可以即時拿走,如果未畫完,也可以把畫存放在店內,留待下次再畫過,而不論畫布是什麼size,下次再來完成畫時,客人只需支付$400便可。「我唔想畀壓力客,所以特別設個位置,幫客留起幅畫,咁佢就唔使迫自己一日內完成晒幅畫。」

這兒的客人以外籍人士為主,其餘大多數是於港島區工作的OL,客人曾小姐說:「我原本都唔識畫畫,經朋友介紹,覺得呢度感覺好relax,可以由得自己亂咁畫,過幾次,愈畫愈開心,好似將壓力釋放晒出,而且畫完仲可以拎走,好有滿足感。」連我們的攝影師小姐採訪後,隔幾天都忍不住來畫畫,「我好少畫畫,但係好鍾意呢度氣氛,同埋平時畫畫要買好多工具,而且顏料又貴,但係呢度就有齊晒,仲任我用,好方便。」

其實當初Betty開鋪也是為了減壓,7年前原本當則師的她,覺得生活苦悶,工作壓力又大,才令她執起畫筆來。「細細個就好鍾意畫畫,大個因為做忙,好多年都冇畫畫,有日心情唔好,拉開抽屜睇到畫具,突然好想再畫番畫。」於是她便和朋友在上環永樂街樓上鋪租了個鋪位,想搞一些關於藝術的活動,頭炮就是call齊一大班朋友來畫畫。「起初只係諗住同班朋友畫畫,等大家輕鬆,估唔到成班人畫得好開心,反應好踴躍,仲叫我搞多呢類活動。」

這便成了Betty的創業概念,與朋友合作開設artjamming,把興趣變成一盤生意,但是卻困難重重,足足虧蝕了2年。「首先我要搵油畫顏料,由於香港散買好貴,我就上網搵大大桶顏料,但係好難買,搵成個月先揀歐洲顏料,不過價錢幾貴,唔計運費1桶要千幾蚊。」為節省成本,Betty從其他方面慳錢,如畫布便是DIY,自己買木條釘製木架,又到深水抬幾匹布料回來,掛到木架上做畫布,尺寸只得一種,最後只花了約5萬元創業成本。

搞event即賺錢

雖然artjamming的意念很新穎,但由於只是靠朋友人傳人宣傳,頭2年生意清淡,試過一個月只得40個客,每個月也要自掏腰包畀租金。連續2年都不夠客人,蝕了超過10萬元,Betty只好做宣傳,在雜誌登廣告,並開設網站,慢慢吸納更多客人,但是最大的轉變,便是搞event。

「我覺得做宣傳一定要夠大型,咁先可以吸引更多人注意,所以都諗過贊助一藝術機構,搞一與畫畫有關活動,由我提供材料,佢去做推廣,畀多人知道咩叫artjamming。」想好了構思,Betty正愁何處找合作對象時,碰巧有位客人任職老師,於是便由學校活動開始。「我經常會同客傾偈,有次同位老師講開呢個構思,佢又想畀學生參與多唔同活動,於是大家就諗到不如學校開個嘉年華會,畀小朋友一齊畫畫,啟發佢藝術興趣。」

雖然Betty開頭只收成本價,提供一些細塊的畫布及工具給學校,藉此幫補收入及作宣傳,卻想不到因此開闢了其他客源。「學校搞完嘉年華之後,有家長主動聯絡我,搵我同佢公司搞呢類event,例如周年活動、親子活動等,慢慢傳開去後,好多公司搞活動,都搵我幫手。」如CNN、連卡佛也是其客人,公司客更佔了總營業額兩成以上,而這些公司員工亦成了熟客。

生意好轉,客人多了2、3倍,上環的樓上鋪空間不夠用,Betty索性把公司搬到樓高3層的中環地鋪,上層作為office,其餘2層作畫室,加埋有過千呎。「呢個地點更加適合我,因為中環有更多外籍人士及OL,而且地鋪感覺更開揚,氣氛更舒服。」地方更大,Betty索性提供包場服務,最低消費$8,000,便可以包場舉辦私人派對。「包場反應好好,學校、公司及以一私人派對都有,每個月平均有5至6場,以暑期及年尾反應最好。」

去年昂坪市集加強宣傳,也請artjamming合辦活動,提供大量畫布和工具,讓市民畫畫。「有唔少商場、會所都邀請過我合作,我會根據佢主題、客路,提供唔同材料,如一塊塊細畫布,或者係一大幅好似牆咁大畫布咁。」現時每年會搞超過5次商場活動,每次收入由數千至近10萬不等,可作為鋪頭宣傳之用。

改良畫布裝備

致力開拓客源後,Betty在畫具上也不斷改進,如畫布尺寸由一款變成12款。「因為有足夠客量,我可以搵大陸廠訂製不鋼畫架,為畀客人更多新鮮感,同埋唔想佢因為畫布size,而局限佢想像力,所以我就整12款size,可以畀客人任揀。」畫架還有個特別之處,就是可以360度轉,方便客人可以畫勻全張畫布。她又特別設計一個盛載畫的紙盒,可以讓客人帶走未風乾的畫。

至於顏料亦轉用澳洲牌子Chromacry1,不但顏色多,而且價錢亦較平,連運費每桶約$2,000,現時店內提供約20種顏色。「之前我用歐洲顏料,質素唔夠好,風乾之後會出現裂紋,但係呢個澳洲牌子就冇呢個問題。」

經過一番努力,artjamming由第3年開始轉虧為盈,每日平均約有5至8個客,週末旺場時,更是擠滿十多個客,週末更常常爆場,每月客量超過500人,盈利約10萬。生意好,令Betty十分鼓舞,但最令她欣慰的,反而是看到客人勇敢地揮出第一筆,「對於初畫畫人講,最難唔係技巧,而是一份勇氣,只要肯行第一步,就會發現畫畫一都唔難。」

開業成本

租金:$13,500

裝修:$20,000

入貨:$10,000

雜費:$5,000

總投資:$48,500

每月開支

租金:$50,000

人工:$80,000

入貨:$60,000

雜費:$10,000

營業額:$300,000

盈利:$100,000

artjamming.com

地址:中環威靈頓街123號地下

電話:25418816

入貨途徑

想學Betty開設自助畫室,工具最重要,畫架可以在內地批發,或搵廠訂造,價錢依據質料而定,木架約$30,而鋼架則要約$80。而畫筆則十分便宜,約$1起已有交易,不過訂貨前,最好先買少量看看貨辦。資料可參考此網站:search.china. alibaba.com

  评论这张
 
阅读(1660)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017