注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Sailormoon

生命滿希望 前路由我創

 
 
 

日志

 
 

創業通 : 三年開三鋪 月賺8萬日本雜貨搖錢樹  

2008-08-17 03:19:29|  分类: 默认分类 |  标签: |举报 |字号 订阅

  下载LOFTER 我的照片书  |

創業通 : 三年開三鋪 月賺8萬日本雜貨搖錢樹

就連牛頭角順嫂都識講,女人錢特別容易賺,這個道理其實與「阿媽係女人」一樣,都幾廢話。尤其容易賺錢的生意,競爭必然大。只要你看到坊間有幾多首飾鋪、bra鋪、美容院執笠的時候,就知道女人錢並非易賺,每種生意成功必定有其獨家竅門。

就好像今次訪問的日本雜貨鋪Da Beads,只有30歲的老闆娘Elaine最初在西環開鋪,由日本入貨,主打女性時裝及首飾,三年間已分別在東角Laforet及apm開分店,貨品更拓展至日本公仔、家居精品甚至零食,每月營業額接近40萬。

Elaine說,要成功經營日式雜貨店,除了要入貨品外,最重要還是了解客人心理,促銷貨品。

星期一下午的觀塘apm仍不失熱鬧,當中Da Beads的80多呎鋪便聚幾位OL打扮的女孩左揀右揀。由西環鋪已開始幫襯的超級熟客Joyce,更是放工後專程由中環來apm「探班」的。「呢度精品好得意,其他地方冇乜見過。最重要係我日本雜誌睇中乜product,Elaine都會幫我搵到返,佢好好人,所以之後直頭做埋朋友,佢開新鋪,我一定過支持。」「我每個月都會過去兩次日本入貨,有時間亦會幫熟客代購,之後再以十算價錢賣返畀個客。但家要真係好熟先做,因為幫自己入貨都冇時間!」Elaine苦笑說,每次到日本每日都是朝九晚七,行足全日入貨。更會在香港帶一些LV水貨去日本,幫補機票錢,而那邊幫她散貨的,都是之前識落的日本人。「每次去兩至三日,入6至10萬港幣貨。最初我做首飾同女裝陣,就會去東京『五反田TOC Express』首飾批發入貨,家就去埋大阪心齋橋,因為邊精品多,好多人以為我會講價,實際上邊無論係批發或零售店,價錢都係set死晒,所以我唔會時間。總之一見就買。」Elaine說很多時都是她一個去入貨,「幾百件貨成幾十磅住佢行足成日,仲要帶返香港,搞到我腰骨有事,家成日要睇醫生。」

專入「二奶仔」

這樣辛苦主要是因為Elaine要緊貼日本精品及首飾潮流,而且要不斷發掘新的產品所以非親自出馬不可。她說這是她與一般精品店不同之處。「我三間鋪加埋精品同首飾超過500款,我做超過10年精品零售生意,都算了解客人心態,如果一個客每次行入你間鋪,見到都係一差不多貨,行多兩次佢就唔會再,所以做精品必須成日搵新貨同獨家,keep住個客新鮮感。當然,每次入新貨時,一個款只會入一兩件試反應,盡量多款少貨,好賣先添。」

Elaine還會先揀一些有整個系列、或有家居用品product的精品品牌,「因為如果個品牌只係得一、兩款product,放鋪根本唔會覺眼,客人好容易就會miss。有成個系列,先夠eye catching,客人先會發覺。揀有家居用品product品牌,因為我觀察到有好多後生女都鍾意自己搬出住,佢都想布置到自己間屋又靚又可愛,試過有好多女仔客,鍾意某個公仔品牌家居用品,就會成set窗簾、公仔、杯、手巾、拖鞋咁買走,度成幾千蚊!」

除了家品,一些在日本二、三線的公仔或卡通人物,也是Elaine入貨的目標。「Hello Kitty、大口仔呢一線公仔其他精品店都有,我點解要爭?其實一二線公仔如狗仔Gaspard、鴨仔B-duck咁,日本受歡迎,但香港冇知名度,亦冇行家入,我就覺得日本人都覺得可愛,香港一定有市場,所以就膽粗粗引入,結果好受歡迎,淨係有關Gaspard精品,一日平均都賣到幾十隻。」

不斷轉位 sell滯銷貨

採訪當日,見到Elaine叫員工將兩個大display架的過百件精品拿出來,重新組合過再放回,如此費時失事,原來又是她的「殺著」之一。「好多精品店貨品上架就算,賣唔出就一直擺度,又或者減價促銷。但其實點樣令一樣滯銷貨賣得出,對於一間精品店可唔可以生存到,係好重要一環,尤其我咁小本經營,冇可能賣唔出就即刻跳樓價賣出去,咁樣會血本無歸,好快執笠。」Elaine說她不時會幫精品換架,讓客人察覺不同貨品的存在。「我發覺每個客都有自己睇貨品模式,有只會睇佢eye level睇到,有只會行門口幾格,唔睇即走。九成九人根本睇唔晒鋪內所有貨品,所以我就會不時轉換下display架同櫥窗貨品,就等於將個客平時睇唔到貨放佢眼前:『其實間鋪都有呢貨喎』,又唔會hard sell咁肉酸。」

半年前,Elaine更折資數萬,購入bar code機及account軟件,將所有貨品的資料輸入電腦,為的是要鑑察每件貨品的銷售進展。「分店愈開愈多,我又得一個人,再勤力都唔可以知道每樣貨銷售情況,家只要一掃貨品bar code,賣幾多件一目了然,邊樣唔賣得一睇就知。」

雜貨乜都有

講明是雜貨店,無論毛公仔、打火機,甚至耳環也有:

利錢可達10倍

Elaine笑說,初頭沒有經驗,只懂將滯銷貨品以低於成本價賣出,「咁樣連機票錢都蝕埋,死梗!」之後她又抄襲日本雜貨店,將一些風馬牛不相及的滯銷商品放在一起再包裝,變為「福袋」促銷,可以賣得比較高的利錢,慢慢她摸熟客人心理,又嘗試另一種促銷模式。「其實係從福袋演變出,我將滯銷貨同最暢銷貨擺埋一齊,咁樣其實同執架方法有相同效果,利用受歡迎貨品售出滯銷貨品。我又會將滯銷貨放係cashier位,因為客人畀錢時,都會有幾秒鐘空白時間,佢通常都會望下個counter,咁樣一定會注意到貨。再sell個客兩句,10個總有2個會買。」

為了促銷扭六壬,Elaine說總算能將所有貨品售出,「因為做精品收現金,一有錢又可以走去買貨,先可以愈做愈大。」她補充一般貨品都會以十算出售,但有一些矜貴或限量版的精品,利錢可以增至10倍以上。「但呢貨全部一件起兩件止,我都係主打薄利多銷。」

街邊擺檔儲經驗

三年多開三間鋪,每月盈利達8萬以上,很多朋友都對Elaine的成就讚嘆不已,說她是生意奇才,她卻說一切都是經驗累積的成果。「我細個已經唔鍾意讀書,淨係鍾意造下首飾穿珠仔,中學未畢業就走出做,我又唔鍾意聽人點,於是一開始就做小販賣飾物,陣加連威老道擺檔,生意旺到不得了,但亦因為咁,所以成日俾小販管理隊拉,之後轉去第二條街,即時冇晒生意,於是情願俾人拉都走返加連威老道擺檔。陣我就知人流重要性,我做生意所有經驗同智慧,全部都係咁樣以實戰得番。」

3年前,她選了在西環一三流商場賣日本水貨衫及首飾,並兼賣她自己的DIY首飾。「個商場三流唔緊要,最緊要有間馬會,人流旺,再加上西環根本冇我呢類日本水貨首飾店,所以我覺得有得做。」

西環Da Beads一開張即生意滔滔,「但我又諗生意咁好遲早實有人抄我,於是又諗有乜新可以賣,到日本入貨,見到有雜貨鋪既賣首飾又賣精品、糖果,於是我鋪頭闢一小個counter,入一精品返去,結果勁受歡迎,由於精品唔似首飾,女仔要試過戴過先買,所以回錢快好多,就愈做愈大,家我三間鋪,都差不多做晒精品。」

入apm學管理

生意好,一年後已踩入東角Laforat,同樣是賣個滿堂紅,這時,apm需要物色新客戶,見到Da Beads的業績,就邀請Elaine洽談。「我當然好開心啦!入到apm呢大場係我心願,因為之前就算生意做得幾好都好,始終都細場度做,唔會有人識,但入到apm就可以同一大brand平起平坐,一定多人識,對於遲建立我自己品牌好有幫助。」

雖然開心,但Elaine說,最初洽談時真的欲哭無淚。「我入12份圖則,佢都唔滿意,就算approve,裝修有乜唔滿意都即時叫我拆整過,盞燈唔夠光都要我換過,不過後來先知,佢規劃咁嚴謹,其實有好多好處。好似佢規定我客戶同一時間返工放工,仲要打咭,唔似得有細場,任租戶幾時開鋪都得,有懶人下午4、5點都唔開,個場想旺都難啦!同埋要apm開鋪,一定要得到佢邀請,佢搵我呢間日式精品店,就唔會同層再搵多間,避免惡性競爭,大場就係有咁良好管理同規劃。」

已是三店之主的Elaine,坦言現在最需要的,就是管理的能力。「以前做生意都係one man band,完全冇管理經驗,家我三間鋪有6個sales,要佢確切執行我講,真係好難,惟有我自己乜都帶頭做先,做個示範畀佢。」

Elaine的西環店,曾經發生過sales偷錢事件,令到她更覺管理很難。「惟有搵信得過人,我細佬三個月前已經過幫我手,雖然做生意我算有10幾年經驗,但管理仍然係初哥,但我明白要再擴展業務,就一定要過到呢關。」

Da Beads

觀塘apm L3-11b

電話:31489012

開業成本(西環店)

租金:$54,000(三個月按金一個月上期)

入貨:$150,000

人工:$15,000

裝修:$70,000

總計:$289,000

每月開支

有用貼士

要到東京大阪入貨,最緊要機票住宿夠平,以下是Elaine所推介的:

平價機票

IN TRAVEL LIMITED

地址:渣甸渣街6-8號立輝大廈204室

電話:25249173

平價民宿

東京

地址:東京都台東區淺草6-12-3

電話:090-3506-3660(一晚一人4,000日圓)

大阪

地址:大阪市中央區久寶寺町三町目2-16

電話:090-6550-8202(一晚一人3,000日圓)

日本入貨tips

1.大阪心齋橋有好多自家品牌,貨又靚又係限量,有別於批發商場個個都買到。不過要行完成條心齋橋,起碼要2小時,而且很多特色小店都在橫街,非常考入貨者的耐性及眼光。

2.如果在東京沿山手線入貨,愈買愈多的話,每個站都會有locker(細size200日圓,大size300日圓),又或有些店鋪可代寄「宅急便」(速遞)回民宿或酒店。

3.東京比大阪多潮流產品,而且入貨地方大都沿山手線,建議不妨購買一張全日票(約730日圓)較抵。

4.入打火機精品要注意,是不可帶上飛機的,要郵寄回港,地址以英文書寫即可。

5.水貨新手去東京零售店入首飾,計埋機票加食宿,貨品起碼要賣兩倍價錢,最好幫襯批發市場如TOC Express,貨品是零售價4折。

  评论这张
 
阅读(9960)| 评论(1)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018