注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Sailormoon

生命滿希望 前路由我創

 
 
 

日志

 
 

創業通 : 日賣200豬扒包 外賣店一開即賺  

2008-08-17 03:17:43|  分类: 默认分类 |  标签: |举报 |字号 订阅

  下载LOFTER 我的照片书  |

創業通 : 日賣200豬扒包 外賣店一開即賺

很多人說開食肆是賺辛苦錢,但只要選址得宜,食物有一定水準,要賺錢的確不難。

今年32歲的Kenny本身是TVB的排舞師,雖是舞者卻熱愛賺錢,小小年紀8歲開始便度橋搵外快,更不斷嘗試創業。除了有自己的舞室外,他在今年初和拍檔在荔枝角開了一間專做外賣的小食店,正因選中了鋪位和食材,開業首月已收支平衡,第二個月更有2萬多元盈利。

每逢中午12時至下午2時,荔枝角和長沙灣工業區一帶,很多食肆聚滿等吃的人群,位於長沙灣道長荔街交界和長沙灣廣場旁的豬扒坊也不例外,有一條人龍排隊購買外賣。當中不乏熟客,他們有些更每星期光顧4至5次;如OL Monica在長沙灣道麗新商業中心上班,只有1小時吃飯時間,但她不光顧公司附近的食肆,來豬扒坊需經過3、4個街口,來回時間要15分鐘以上,也專程走過來光顧,「我每星期都3至4次,最初試過豬扒包好好味,之後就買飯試,覺得都好好食,而飯盒價錢比其他茶餐廳平$5、6蚊,好抵食。」

不斷找尋創業機會

豬扒坊主打豬扒包、熱狗、雞扒包等外賣小食外,中午還有飯餐供應,例如豬扒蛋飯、冬菇雞翼飯等,每個包餐和飯餐售價由十多元至二十多元。因為店鋪面積較細,只做外賣,連老闆在內只有4名員工,租金和人工等成本相對較其他餐平,故Kenny採用薄利多銷的方針以增銷路。現時每日可以賣超過200個豬扒包及100個飯盒,開業只有2個多月,已有2萬多元盈利。

豬扒坊由兩位年輕人Kenny和Nick合資經營,兩位都是舞蹈員,Kenny更剛成為TVB的排舞師,留長髮,切合舞者的形象,以為他只是一位藝術家,但估不到他周身刀張張利,做生意也是他的嗜好。「我好鍾意投資,所以成日諗有乜生意可以做。」沒錯,他一有空檔就會想辦法賺錢,除了公餘在舒適堡任瑜伽導師外,更試過排30小時隊買首都的樓花。

食客有say

Kenny自言愛跳舞,也愛賺錢,愛賺錢的性格,可能和他生長在單親家庭有關,「細個見阿媽做幾份工,覺得佢好犀利,可能咁影響我,覺得要搵多錢去養番佢。」在他8歲時,已走到街上賣花,賺了點錢,自此他便愛上做生意,「細個時,阿媽開花店,我就佢花走去附近行人天橋度賣,結果扣埋花錢,賺百幾蚊。我中二又同幾個同學每人夾$500,聖誕節走去尖東賣螢光棒,最後蝕晒。」

開鋪頭對Kenny來說,並不是第一次,在03年開了自己的舞室教人跳舞,而在06年,更和朋友合資在旺角新/城開時裝店。「開boutique最後平手離場,因為個場太多鋪頭賣衫,衫只係十零廿蚊,我賣要百零蚊又開4樓,所以生意唔好,好在一年租約期滿後,平手離場。呢次教訓令我明白到開鋪頭位置好緊要。」

賣豬扒包是他第一次開食肆,但他對食肆從不陌生,「我舅父開茶餐廳,以前讀書放假就會去幫手,陣水吧學識沖飲。」當時舅父和他大談生意經,令他知道做食肆雖然辛苦,但搵鋪位和食材,這門生意絕對有得做。Kenny可說自小受家人薰陶,養成一顆創業之心。

熱狗和豬扒包同屬豬扒坊鎮店之寶,每個售$14,加飲品需再加$2起。

人流旺最開食肆

Kenny的舞室設在長沙灣,常到附近的食肆尋食,今年年初經過長沙灣道,見有一個約200呎的鋪位出租,便萌起開食肆的念頭,「呢區飯市真係好旺,而且長沙灣道人流好多,覺得真係有得做,我之後就專登搵日中午數人頭,唔夠10分鐘已經有過百人行過。」他便和拍檔Nick商量,決定租下這個鋪位,夾份用了30多萬來創業。

食物選材方面,Kenny卻選了豬扒包和熱狗作主打,「間鋪細,唔夠位做堂食,就不如諗只做外賣,可以添置少器具,加上客通常只得一個鐘頭食飯,可以買走返公司食,唔使同人迫,所以諗容易整食物。我新西蘭讀過書,邊好興食熱狗,而我阿姨又好叻整豬扒,咁就搵我阿姨做廚。」因Kenny的外公是馬來西亞華僑,故他的阿姨懂得用馬來西亞秘方來醃製豬扒,便索性用豬扒來作主打,店子更用豬扒坊來命名。「每間出名食肆都有出名菜式,即使小食店都要有撚手食品先可以出名,所以專攻豬扒,令客有深刻印象。」

Kenny話最初開業時,他和拍檔Nick每日都會到鋪頭幫手,「我排舞幾忙都好,中間有空檔,都會落鋪幫手,炸豬扒同整包。」

花了近一個月來裝修,在2月頭開業,但卻遇新年長假期,整個工廠區都很冷清,「原來凡係公眾假期,呢區就冇乜人返工,所以我星期六只係開半日,假期同星期日都休息。」扣除農曆年長假及星期日後,只經營十多日,豬扒坊首月已有微利。這盤生意看上去似順利,但Kenny卻遇到不少問題,「豬扒包反應唔錯,但淨係賣包,只係早餐同下午茶時段最好賣,反而午市唔係咁多人買,所以要加新先可以令生意額高。」

Kenny便決定加特飲和提供飯餐,「諗到加錢可以加杯飲外,包類點都係小食,中午客點都會想食飯,所以第二個月就午市提供類似茶餐廳常餐同飯餐,即沙嗲牛肉面同豬扒蛋飯,可以用番原本鋪面器材,只係買多兩個飯煲同飯桶返就得。」現時每個午餐一盒飯加一杯飲品只售$23起,如果加咖啡特飲就要約$30,食品質素維持,售價比附近同類型快餐店和茶餐廳便宜,所以即月生意額已激增3成,「我3月份平均每日做到$4,000生意,星期六開半日都有約$2,000。」

以往經驗解決問題

生意好轉,Kenny卻和他的阿姨鬧意見,「阿姨定一日要賣200個包,所以會入定幾日數量食材,但鋪頭空間有限,好難擺放幾日食物。我記得之前舒適堡做導師,個經理教過我做生意要用跑數形式,即係定一個月要做幾多錢生意為目標,唔好理係幾多個人做會員定join其他服務。我就將呢個方式用盤生意上,好似一日定做$4,000生意,唔理係賣幾多包定飯,可能只係預日半分量,咁就唔使放咁多食材鋪頭,例如見到豬扒就賣晒先再訂貨,因為訂貨第二日就會送,唔使砸貨即唔使砸住錢。」試行做法後,的確有效改善鋪內囤積食物問題,最後成功游說阿姨採用這個方法。

最初開業,雖做平價餐,但Kenny希望用新鮮食品即叫即炸作招徠,「最初真係客買先即刻落油炸豬扒,但要成10分鐘先可以炸好,試過排長龍,有客等成45分鐘。」Kenny便請教在酒店做廚房的朋友,怎樣才可令製作流程快一點,「我個朋友話即使係酒店,都會先將部分食物製作好,例如將部豬扒先炸成8成熟,咁就可以快整熟畀個客。」

採用了朋友的建議,令做外賣的速度快了,但仍有顧客投訴太慢,Kenny便到同樣有豬扒蛋飯售賣的大家樂計過時,「大家樂整一個豬扒蛋飯飯盒大約要5分鐘,我同樣係做5分鐘,但客會投訴我整得耐,原因係大家樂有得坐住等,而我就冇得畀客坐。」

所以說到將來發展,並不是開分店,而是密謀將豬扒坊用頂手的方法賣出去,在其他地方開有堂食的食肆。「其實呢度午市生意真係多到做唔晒,做唔到晚市同假期冇生意會局限盤生意。我已經絡聯香港商機,等盤生意做多幾個月上晒軌道,我希望可以用40萬頂讓畀人。我本身住元朗,知道元朗有地方可以用2萬零蚊租到800呎鋪位,希望用呢錢元朗開到間做堂食餐廳,咁就可以做多幾轉生意,會賺到更多錢。」

作為排舞師Kenny曾經和不少明星藝人合作,如黃宗澤(左圖)和廖碧兒(右圖)。

後記:加!加!加!

現時物價暴升,白米話加,肉類又加,做食肆百上加斤,Kenny也說十分頭痛,「家入貨比最初開業最少貴3成以上,好似開鋪豬扒$10就可以買到4塊,家只可以買到兩塊,500kg米亦由$180加到$250。我開冇耐,又唔可以咁快加價,唯有捱住貴貨先。」為解決問題,Ken只好想辦法開源,「緊5月開始,會下午茶時段會送埋外賣,希望可以增加收入……」遇問題即度新橋,Kenny轉數快,難怪鋪頭一開即賺。

開業成本:

租金:$92,000(三個月按金一個月上期)

入貨:$75,000(用具及食物)

裝修:$112,000(包牌照)

補地價:$47,000(工用鋪作商業用途-1年)

補地價按金:$26,500

總投資:$352,500

每月開支(3月):

租金:$23,000

人工:$20,000(4人)

入貨:$28,000

雜費:$2,000

營業額:$100,000

盈利:$27,000

豬扒坊

地址:荔枝角長沙灣道883號益利工業中心地下4C1號鋪

邊度入貨?

如Kenny所說,要入食材非常方便,只要致電有關批發商落單,會於一兩天內送貨,現時肉類、麵包和雜貨Kenny會分別向嘉頓和大昌行入貨,而最低入貨額由$100至$300起,視乎不同公司而定。

利豐肉食海產公司電話:25452885

嘉頓有限公司 電話:23603160

大昌貿易行有限公司 電話:27682112

  评论这张
 
阅读(5646)| 评论(1)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018