注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Sailormoon

生命滿希望 前路由我創

 
 
 

日志

 
 

創業通 : 抄日本橋 寄居蟹換獨家殼客  

2008-08-17 02:56:51|  分类: 默认分类 |  标签: |举报 |字号 订阅

  下载LOFTER 我的照片书  |

創業通 : 抄日本橋 寄居蟹換獨家殼客

香港人鍾意養寵物,可惜居住環境擠迫,加上工作忙碌,想養狗仔、貓仔也不是易事。

24歲的Alex看中了這點,便於去年引進細細隻又易養的寄居蟹,打中港人愛養寵物的心態。他還想到出售寄居蟹套裝,令客人即買即養,毋需再自己買配件;而寄居蟹要定期換殼,他更出售不同款式的貝殼,還可讓客人發揮創意設計新殼,讓寄居蟹穿上獨家靚裝。結果吸引不少大人細路飼養,開業短短1年現時已月賺8萬。

每次經過位於旺角通菜街,總會見到一班大人和細路圍店鋪「藝裝蟹」,有些人更嚷:「蟹仔好得意喎,有好多種顏色,仲識得爬樹!」他們所指的便是細細隻、揹貝殼四周爬的寄居蟹,這些蟹仔住在堆滿珊瑚砂的飼養缸內,每隻蟹仔的貝殼都不一樣,有些更畫滿公仔或鑲上閃石,非常搶眼。

外國流行養寄居蟹

「蟹仔每隔大約3個月至半年就會換個大新殼,客人可以設計一個獨一無二貝殼畀自己隻蟹仔。」老闆Alex指寄居蟹因為表層軟殼易受損,所以要居住在貝殼內,而蟹仔慢慢長大,便要換一個較大的貝殼,而客人就可以購買有圖案的貝殼,或親自用模型油在貝殼上畫上圖案,甚至黐上閃石,把這些獨家殼放在缸內,讓蟹仔自行換上,比起用原裝貝殼更搶眼。

原來這個有趣的構思,是來自去年他與朋友到日本旅遊時,看到當地很流行養寄居蟹。「日本東京目黑區,居然有一棟幾層高商廈全部都係賣寄居蟹同有關用品。我返到香港即刻上網research,發現除日本,南韓、美國、台灣同東南亞地區都好興養寄居蟹。」外國雖流行,但偏偏香港還未有售賣寄居蟹的專門店,Alex覺得商機無限,便萌生引進寄居蟹的念頭。

原來小時候Alex曾養過寄居蟹,卻不得其法,「細個成日以為養寄居蟹要養水入面,大人又教我要餵佢食報紙,點知養幾日,隻蟹就死。」為免重蹈覆轍,他先從東南亞購入數隻寄居蟹,研究飼養方法。「起初試養3個月,蟹仔都好快死,後來我先搵到原因,原來係我缸底鋪砂太薄,得1吋,令蟹仔匿唔到入砂度脫皮,就咁死,跟住我先知砂要鋪到比隻蟹仔高1至2倍。而到冬天,溫度低過15度,仲要缸底鋪上熱氈,keep住個溫度,唔係蟹又會凍死。」

研究一年決定開鋪

經過了差不多1年的觀察,Alex掌握到飼養技巧,才敢辭掉潛水公司店長的工作,與拍檔Nelson合作,從東南亞地區,如菲律賓、印尼,及台灣等地區,透過網上店或朋友介紹而入貨。「寄居蟹入貨價好平,幾蚊就有交易,仲有好多配件選擇,其中有少量玩具同設備如熱氈,就會日本同美國入貨。」不過Alex最初入貨時,也遇到不少困難,「因為運費貴,我第一次入貨就要入3至5千隻寄居蟹,原本想用幾個缸養晒,點知用木箱運送過時,有蟹因為太迫,又或者有大蟹會攻擊細蟹,搞到有幾十隻蟹死,之後我??臨買過百個缸,一個大缸最多養約30隻蟹,仲要大埔租個400呎倉做飼養場,請人日日照顧同打理佢,例如換砂、餵食物、噴水等。」

接他便想到租旺角通菜街的地鋪作銷售點,希望避免競爭,「我以前都諗過開旺角金魚街,但係租金好貴,閒閒都要3、4萬,雖然暫時都冇其他寄居蟹專門店,但係金魚街有太多水族寵物,驚突出唔到我間鋪,反而開通菜街,人流夠多,而且得我一間獨市,容易吸引到途人注意。」

由於店鋪開在轉角位,附近又多食肆,人流頗多,首先便吸引了附近食肆的食客和員工,客人阿妹便是因為在附近返工,路過發現店鋪,被蟹仔吸引住,一口氣養了5隻。「寄居蟹好得意,而且飼養方法簡單,又唔會阻太多地方,家養幾個月,睇住佢慢慢大,好開心。」除了靠人傳人,Alex還設計了網頁,簡介寄居蟹及其飼養方法,他亦有致電給各雜誌、報章,邀請傳媒訪問,「都等成個幾月,先有傳媒採訪,但係訪問一出街之後,客即刻多成倍,假日有超過100個客。」

而寄居蟹要郁動,才能吸引客人注意,Alex除了經常轉換不同貝殼的寄居蟹外,還要時常噴水,引誘牠們伸出頭來活動,他又會准許客人觸摸寄居蟹,「畀客人掂過、摸過,佢就唔會驚蟹,大家互動下,就會覺得更有趣,更加想養。」

店內亦有售賣原裝貝殼$15起,和老闆DIY的靚殼,每隻$25起。

賣相可愛吸OL客

其實飼養寄居蟹很方便和簡單,只要把蟹仔放進飼養缸內,營造一個適合牠們生活的環境,如鋪滿珊瑚砂、小屋、水盆、攀爬樹等,氣溫維持攝氏20至30度,每天餵飼米飯、麵包屑、蔬果等食物便可,若飼養適當的話,蟹仔壽命可達10多年之久。而且寄居蟹佔用空間很細,非常適合香港人飼養,起初Alex以為小動物只會受小朋友歡迎,打算主打家庭客,但估不到開業後,OL客佔生意額6成,而家庭客則有3成,原來很多OL貪寄居蟹賣相可愛,除了買回家外,甚至買回公司內飼養。

Alex為了方便客人,更推出套餐,只需$298,便可買到一個飼養缸、兩隻寄居蟹、砂及所需用品,令外想買多一隻寄居蟹只是$48起,價錢平又可以讓客人買了便可帶回家飼養,省卻了麻煩。「養寄居蟹最吸引地方,係佢會生長,所以要不停換大size殼,我會入唔同花紋殼畀客揀外,仲會入淨色殼,可以等客買返去,自己畫唔同花紋同圖案上去,設計獨一無二殼外,亦可以參與其中,好似人養貓狗會買衫仔畀寵物一樣。」替蟹仔換殼,等於換靚衫一樣,可以滿足客人愛美的心態和增加新鮮感,現時賣套裝佔生意6成,殼佔2成,其餘為配套用品的收入,如飼料和砂等。

冬天賣寄居蟹淡季

寄居蟹反應好,首兩個月已經回本。Alex在夏天開鋪,生意很好,怎料到了冬天,便遇上問題。「因為蟹仔要生活溫暖環境,但係舊年冬天天氣好凍,有時得7、8度,就算我缸底鋪暖氈,唔會凍死蟹,但佢都凍到唔想郁,客見到佢唔郁,就會減低購買意欲。」結果12月至2月,每月營業額跌到只得2萬,直至3月天氣回暖,生意額才回升。雖然寄居蟹有淡旺季,但這門生意可謂長賣長做,皆因蟹仔定期便要換殼,加上每隔2至3個月便要換砂,所以有不少售後的生意,而且除冬天外,其餘日子生意額都不俗,拉勻一年平均每月都有超過5萬的盈利。

而7月Alex會再開多一間分店,另會與4間賣龍貓的寵物店合作,於店內設專櫃,售賣寄居蟹,5間新店設於屯門、元朗和荃灣。「一個銷售點太少,我想吸納埋其他地區客人,所以揀一新界區鋪頭,以分賬形式合作。」

除零售外,Alex為擴充生意,還經營批發生意,現時已有批發給本港少量水族鋪,未來還想攻進內地市場。「做批發比做零售規模可以大好多,而且零售要兼顧太多,又要開鋪又要倉照顧蟹仔,但係批發只要有貨源提供就ok。至於內地雖然都有寄居蟹賣,但係只係最原始種蟹仔,仲係未經包裝,唔會做到好似我或日本咁吸引,而且內地好睇香港潮流,尤其係深圳、廣州生活環境咁似香港,相信將來內地人都會興養寄居蟹,咁我就可以搶到首批市場。」想不到年紀輕輕的Alex,滿有生意頭腦,難怪可以在香港創出飼養寄居蟹熱潮。

四大寄居蟹

寄居蟹分水寄居蟹和陸寄居蟹,一般人飼養的便是陸寄居蟹,牠們愛在夜間行動,性情溫和,一般飼養3個月後,便會與人熟絡。其品種超過10種,而Alex則引進其中4個品種,各有不同顏色兼具不同的性格,以草莓陸寄居蟹最受歡迎。

套餐包乜?

Alex想到用套裝出售,讓客人即買即養,每套寄居蟹售$298,現時出售套裝生意額達6成。

飼養前停一停、諗一諗!

看到這些可愛的寄居蟹,記者亦有興趣飼養,不過台灣有些報道說,由於沙灘上的貝殼大量被人撿走,結果不少生存在沙灘的寄居蟹被迫居住在膠樽蓋或一些類似貝殼的垃圾上,而且有些人飼養不久,因為生厭而把蟹仔棄置沙灘,其實寄居蟹和貓狗一樣,不是玩具,而是一條生命,所以奉勸各位飼養寄居蟹前,都要停一停、諗一諗,飼養後還要保持耐性和愛心,好好飼養牠們。

飼養你要知

1.飼料和食水每天更換

2.每天噴水2至3次

3.珊瑚砂每2至3個月換一次

4.避免陽光直接照射,維持溫度在攝氏20至30度。

5.用礦泉水、涼開水或不含氯氣的自來水飼養。

6.蛻皮時不要干擾牠們

7.用米飯、蘋果、粟米、蔬菜、爆谷等餵飼。

入貨途徑

寄居蟹在日本、台灣和東南亞等地極受歡迎,當地還有不少批發商,不過想在日本入貨比較困難,一來價錢較貴,一隻蟹起碼要十多元以上;二來日本人不大相信外人,很難傾到生意。

至於東南亞地區,如菲律賓和印尼的貨源極多,價錢又平,一隻寄居蟹只需數元,只要到當地格價後選好批發店,之後可定期訂貨,「不過有個問題,就係每次都會有貨錯,但係又退唔到,會有少少影響。另外,我都有向台灣貨,網上都有一批發商資料,主要集中台北同台南沿海地區,價錢會比東南亞貴少少,但係蟹會比較靚,配件亦會有較多選擇。」而要把寄居蟹進口香港,需要向食環署和漁農署申請,程序簡單,只要遞交申請表,列明進口物品和數量,約1個月便可獲批。想在網上訂貨,可參考以下兩個台灣批發網站:

P4批發大街:http://www.p4st.com.tw

Boss33批貨創業通:http://www.boss33.com

開業成本

租金:$40,000(3按一上)

裝修:$10,000

入貨:$40,000

倉租:$20,000

網頁:$5,000

總投資:$115,000

每月開支

租金:$10,000

入貨:$30,000

人工:$43,000(4人)

倉租:$20,000

網站:約$200

營業額:$180,000

盈利:$76,800

藝裝蟹

地址:旺角通菜街2A地鋪(女人街,近家樂商場)

電話:68086003

  评论这张
 
阅读(1582)| 评论(1)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017